Eru stjórnvöld meðvirk ?

Ég renni oft yfir bloggið til að fylgjast með umræðunni og fá fleiri fleti á málefnum en birtast í einlitri og yfirborðskenndri umfjöllun fjölmiðla.

Eitt las ég í morgun, ekki á einu, heldur á tveimur bloggsíðum sem fékk mig til að hugsa.

Meðvirkni.

Því var haldið fram á þessum tveimur síðum að stjórnvöld væru meðvirk með  fjármálafyrirtækjunum og bönkunum. Það sýndu aðgerðir og eftir atvikum, aðgerðaleysi í flestu því sem viðkemur þessum fyrirtækjum.

Ég fletti orðinu meðvirkni upp á Google og á doktor.is er skilgreiningin m.a  þessi:

Meðvirkni byrjar sem eðlileg viðbrögð við óeðlilegu ástandi. Meðvirkur einstaklingur hefur lært ákveðið hegðunarmynstur og aðlagað sig að þeim aðstæðum sem hann býr við með því t.d að taka ekki ábyrgð á ástandinu og koma sér út úr sjúklegum aðstæðum heldur aðlaga sig að þeim.

Minnir þetta nokkuð á fyrrverandi og núverandi ríkisstjórnir ?

Gæti verið

Athugasemdir

[Heimir Tómasson, 18.8.2010 kl. 23:38]

Meðvirkni er merkilegt fyrirbæri. Alþekkt er meðvirkni t.a.m. maka drykkjufólks. Þar er allt í bullandi lagi og ekkert að. Þótt kallinn taki túra og stúti húsgögnum og fjölskyldumeðlimum, þá er þetta bara eitthvað sem er bara og ekkert að því. Það er fyrst þá þegar frúin er eitthvað farin að láta á sjá af blíðuhótunum sem að - kannski - er eitthvað gert, oftast nær samt bara talað.

Minnir þetta nokkuð á kjósendur? 

[Heimir Tómasson, 18.8.2010 kl. 23:39]

En velkominn aftur fram á ritvöllinn. Búinn að sakna þín hérna.